Dammam . STC or mobily ney internet ke baaz package bahaal kardiye. Information technology and communication board ne tamam mawaslati companiyon ko is amar ka paband banaya tha ke woh internet package mein islahat layein. Mazkoorah dono companiyon ki janib se jari kardah bayanaat se pata chala hai ke dono ne 100GB Giga Bite ka package 100 riyal mein kardiya hai jabkay 3 mah wala 300GB Giga Bite walay package mein islaah ko nazar andaaz kardiya. 50% izafah kardiya gaya tha.
STC ne is hawalay se tawajjow dilae ke aindah 3 mah walay 300GB Giga bite package ke narkh 500 riyal ke bajaye 400 riyal hunge. Izafay se qabal mazkoorah package 330 riyal mein muhayya tha. Uska matlab yeh hai ke STC ne is package mein islaah ke naam par ab bhi dandi maari hai. Mobily ne is package ko nazar andaaz kardiya. Mobily maazi mein yeh package 300 riyal mein jari kar rahi thi.
Uski qeemat barha kar 450 riyal kar di gayi thi. Mobily ka kehna hai ke jo log 100 Giga Bite wala package 100 riyal mein khareed rahay hain 3 mah taq is mein tosee kra sakey gey.
0 comments: