Riyadh. Saudi bijli company naay wazeh kya hai ke is month ki 28 tareekh se E-bill 5 tareeqon se haasil kya jasakay ga. Sarfeen har Eeyswi mahinay ki 28 tareekh ko bijli ka bill daftar ka chakkar katay baghair ghar baithy haasil kar saken ge. Company ki Website, smart mobile, SMS, ALKHARABA se raabtey aur bijli application se. sa.com.sa aur Email ke zariye bill liya jasakay ga.
Company naay aik baar phir takeed ki hai ke 28 January 2018 say tamam sarfeen ko E-bill hi muhayya hoga, kisi ko bhi print bill nahi miley ga. Is se sarfeen aur company dono ko aasani hogi. Company ka kehna hai ke takneeki reporton se pata chala hai ke 30 laakh se ziyada sarfeen naay 2017 ALKHARABA application apne mobile par download karli hai jabkay 55 laakh se ziyada sarfeen SMS ke zariye bill wusool karne lagey hain.
Tamam sarfeen ko yeh mauqa muhayya hoga ke woh smart service ke zariye bijli ke bill ki maloomat haasil karlen. Mushtarqa number 920001100 par rabita karkay ya khud ko SMS ki muft service mein shaamil karkay ya social media ke apne account ke zariye bhi bill ley saken gey.
0 comments: